VIEW PHOTOපසුගිය 18 වෙනිදා කුරුණෑගල දී පැවැත්වුණු නිදහසේ වේදිකාවේ පස්වන මහජන රැස්වීම කඩාකප්පල් කිරීමට සංවිධානාත්මක සුළු පිරිසක් විසින් ගත් උත්සාහයේ ප‍්‍රතිඵලය වූයේ ලංකාවේ සියළුම මාධ්‍ය නිදහසේ වේදිකාව පිළිබඳ ව පුළුල් ප‍්‍රචාරයක් ලබාදීමයි. සෘජු හා වක‍්‍ර වාරණයන් හේතුවෙන් මෙතෙක් තම මාධ්‍ය මඟින් වේදිකාව පිළිබඳ කතා කිරීමට නොහැකි ව සිටි අප හිතවත් මාධ්‍යවේදීන් අපට පැවසුවේ ඉහත සිදුවීම වෙස්වලා ගත් ආශීර්වාදයක් බවයි. කෙසේ වුවද රැස්වීම කඩාකප්පල් කරන ලදැයි යන මාධ්‍ය ප‍්‍රචාරය හමුවේ බොහෝ දෙනෙකු බලා සිටියේ නිදහසේ වේදිකාවේ ඊළඟ පියවර කුමක්ද යන්න දෙසය. ඒ වනවිට අනුරාධපුර මහජන රැස්වීම පැවැත්වීමට සියළු කටයුතු සුදානම් කර තිබූ අතර නිදහසේ වේදිකාවේ අනුරාධපුර දිස්ත‍්‍රික් කමිටුව එකහෙළා කියා සිටියේ සැලසුම් කළ පරිදිම රැස්වීම පැවැත්විය යුතු බවයි.
හරියටම සතියකට පසු, අගෝස්තු විසිපස් වෙනිදා නිදහසේ වේදිකාවේ හය වන මහජන රැස්වීම අනුරාධපුර යොවුන් නිකේතනයේදී අති සාර්ථකව පැවැත්විණි. දහසකට අධික ජන සහභාගිත්වයකින් පැවැති මෙම රැස්වීම අමතා මිහින්තලේ රජමහා විහාරාධිකාරී වලවාහැංගුණු වැවේ ධම්මරතන නා හිමි සහ විපක්ෂ නායක රනිල් වික‍්‍රමසිංහ, මංගල සමරවීර, එක්සත් සමාජවාදී පක්ෂයේ නායක සිරිතුංග ජයසූරිය, ලංකා සම සමාජ පක්ෂයේ දේශපාලන මණ්ඩල සභික නීතිඥ ලාල් විජේනායක, ජයතිලක බණ්ඩාර, සිනමාවේදී සිරිමල් විජේසිංහ, නිදහසේ වේදිකාවේ කැඳවුම්කරුවන් වන නිමල්කා ප‍්‍රනාන්දු, බි‍්‍රටෝ ප‍්‍රනාන්දු සහ ලංකා ගුරු සංගමයේ ජාතික සංවිධායක ප‍්‍රියන්ත ප‍්‍රනාන්දු යන මහත්ම මහත්මීන් අදහස් දැක්වූ අතර රජරට විද්වත් වෘත්තිකයන්ගේ සංගමයේ සභාපති නීතිඥ කරුණාරත්න හේරත් මහතා රැස්වීමේ මුලසුන හෙබවීය. බෞද්ධ, ඉස්ලාම් සහ කතෝලික ආගමික නායකයින් ඇතුළු අති විශාල පිරිසක් සහභාගී වූ මෙම රැස්වීමට පැමිණි පිරිසගෙන් යොවුන් නිකේතන ශාලාව සම්පූර්ණයෙන්ම පිරී ඉතිරී ගිය බැවින් රැස්වීමට සහභාගී විමට පැමිණි විශාල පිරිසකට ශාලාවෙන් පිටත රැඳී සිටීමට සිදු විය. අනුරාධපුර දිස්ත‍්‍රික් පාර්ලිමේන්තු මන්ත‍්‍රීවරුන් වන පී. හැරිසන් මහතා, චන්ද්‍රානි බණ්ඩාර මහත්මිය, උතුරු මැද පළාත් විපක්ෂ නායක කස්තුරි අනුරාධනායක මහතා ඇතුළු පළාත් සභා සහ ප‍්‍රාදේශීය සභා මන්ත‍්‍රීවරු විශාල පිරිසක් ද රැස්වීමට සහභාගී වූහ.
මිනිත්තු එකසිය පනහකට අධික කාලයක් පැවැති රැස්වීමේදී පැවැත්වුණු කතා අතරින් විපක්ෂ නායක රනිල් වික‍්‍රමසිංහ මහතා මාධ්‍ය නිදහස පිළිබඳ කළ කතාවත්, සිනමාවේදී සිරිමල් විජේසිංහ මහතා පැවැත් වූ කතාවත් සමබිම පාඨකයන් වෙත ඉදිරිපත් කිරීමට අපි තීරණය කළෙමු.
BACK TO PLATFORM
BACK TO SAMABIMA
No comments:
Post a Comment